Анкета
Како ви се допаѓа страната?
Милошоски на Крф не се сретна со Бакојани, најавена средба во Скопје
Шефот на македонската дипломатија Антонио Милошоски на маргините на неформалниот министерски состанок на земјите членки на ОБСЕ, што вчера и денеска се одржува на грчкиот остров Крф, имаше билатерални средби со своите колеги од Велика Британија, Шведска, Холандија, Финска и Белгија. Очекуваната средба со грчката колешка Дора Бакојани не се реализира поради, како што е соопштено од грчка страна, нејзина презафатеност, јави известувачот на МИА од Крф.
- За жал, поради презафатеност, како што ни беше соопштено од грчката страна, не се оствари средбата со колешката Бакојани, но во секој случај ние ја изразивме нашата подготвеност и уште еднаш ја повторивме поканата таа средба да се случи кај нас при посета на ОБСЕ мисијата на Македонија, изјави Милошоски додавајќи дека тоа ќе биде можност да се разговара и за билатерални теми.
Читај повеќе: Милошоски на Крф не се сретна со Бакојани, најавена средба во Скопје
ВЕСТ НА ДЕНОТ
Да го продолжиме дијалогот што го имаме и да укажеме дека компромисот и заедничкиот јазик е нешто што е наша цел, но тоа да биде постигнато на рамноправни основи и без која било страна да се почувствува загрозена или да и биде нарушен националниот идентитет.
Ова, јави известувачот на МИА од Крф, е пораката што министерот за надворешни работи Антонио Милошоски ќе ја упати до грчкиот народ од островот Крф, каде што учествува на неформалниот министерски состанок на земјите членки на ОБСЕ, што денеска и утре се одржува во организација на грчкото претседателство.
- Се надевам дека ќе имаме можност да се сретнеме со нашите грчки колеги и да го продолжиме дијалогот што го имаме, а воедно и да испратиме една порака на пријателство до грчкиот народ и да укажеме дека компромисот и заедничкиот јазик е нешто што е наша цел, изјави Милошоски пред состанокот на ОБСЕ кој ќе започне со неформална вечера непосредно по средбата на министерскиот Совет на шефовите на 28-те членки на НАТО, кој исто така се одржува денеска на Крф, на тема „Русија – НАТО“.
МАКЕДОНИЈА
Владата на Република Македонија на денешната седница го одзема корисничкото право на Министерството за култура за користење на земјиштето наменето за изградба на црква на Плоштадот „Македонија“, и го задолжи Министерството за култура да ги стопира сите активности за изградба на црквата, а целокупната документација да ја отстапи на Македонската Православна Црква.
Со ова решение, како што се наведува во соопштението од владината прес-служба, се овозможи Министерството за транспорт и врски, согласно законските овластувања, истото земјиште да го даде на Македонската Православна Црква, од која ќе зависи во целост продолжувањето на натамошните активности и надлежноста по ова прашање.
Ова решение, како што стои во соопштениеро, е во доменот на високите принципи на Владата на Република Македонија со почитувањето на религијата, слободното изразување на верската припадност, овозможувањето на услови за функционирање на верските заедници и задоволувањето на духовните потреби на верниците, како и создавањето на општествен амбиент за развој на духовната култура, етиката и моралот кај граѓаните, амбиент кој се креира со поддршка на верските заедници во Република Македонија.
Почина Мајкл Џексон
Лос Анџелес, 26 јуни (МИА) - Американската поп-ѕвезда Мајкл Џексон почина синоќа во Лос Анџелес на 50-годишна возраст, поради проблеми со срцето.
Џексон вчера во попладневните часови по локално време бил пренесен во болницата „Роналд Реган“ во Лос Анџелес во состојба на длабока кома, по што набрзо лекарите констатирале смрт.
Американските медиуми јавуваат дека Џексон не давал знаци на живот ниту кога екипата на брза помош пристигнала во неговиот дом на Бел ер.
Претставникот на службата за судска медицина на Лос Анџелес, Фред Корал информира дека Џексон починал во 14:26 часот по локално време (23:26 по средноевропско време).
Тој нагласи дека причините за смртта на поп-иконата на 80-те ќе бидат познати откако ќе биде извршена обдукција на неговото тело.
Американските медиуми објавија дека Џексон најверојатно починал од срцев удар.
Груевски: Нема конкретен предлог за името на средбата во Женева
Премиерот Никола Груевски денеска изјави дека на завчерашната средба во Женева меѓу преговарачите на Македонија и на Грција Зоран Јолевски и Адемантиос Василакис со медијаторот Метју Нимиц немало конкретен предлог за решавање на спорот за името, туку размена на мислења за детали во преговарачкиот процес.
- Јолевски ќе дојде денеска. Тој само општо ме информираше, без детали, само начелно ми кажа дека немало некој конкретен предлог, туку разговори за различни детали и прашања по кои тој заклучува дека веројатно Нимиц сакал по застојот што беше поради изборите во Грција и претходно во Македонија да го опипа пулсот, да ги види и позициите. Имале официјална средба за разговор, за различни детали, мислења и идеи, но немало некаков конкретен предлог, изјави Грувески за медиумите по посетата на касарната „Илинден“.
Читај повеќе: Груевски: Нема конкретен предлог за името на средбата во Женева
Повеќе Артикли...
Лист 1 од 23
